РФ Дәүләт Думасы депутаты Әлфия Когогина «Без бергә» Бөтенроссия үзара ярдәм акциясенә кушылды. Төбәк атнасы кысаларында парламентарий Яр Чаллыда волонтерларга ярдәм итте.
«Без бергә» акциясе кысаларында шәһәр волонтерлык үзәгенә автомобильләргә ягулык салу өчен ягулык карталарын сатып алып ташырдым. Яшьләр карталарның яхшы ярдәмче булачагын әйттеләр - алар авыруларга дарулар, өлкәннәргә азык-төлек алып килеп бирәләр, табибларны йөртәләр. Рәхмәт сезгә!» - дип мөрәҗәгать итте Әлфия Когогина Чаллы волонтерларына.
Элегрәк депутат Яр Чаллы бер мандатлы округының сәламәтлек саклау учреждениеләренә 10 меңгә якын медицина респираторы һәм саклагыч костюмнар, шулай ук өлкән яшьтәге кешеләргә дарулар китерүдә волонтерлар белән эшләде, шулай ук пенсионерлар һәм ветераннар өчен азык-төлек сатып алды.
«Без бергә» Бөтенроссия акциясе бөтен ил буенча уза. Аның максаты - табибларга, медицина хезмәткәрләренә ярдәм күрсәтү, шулай ук үзизоляциягә китеп азык-төлек кибетенә яки даруларга керә алмаучыларга ярдәм итү.
Волонтерлар хастаханәләрдә һәм поликлиникаларда, колл-үзәкләрдә, прививка пунктларында эшлиләр, күпфункцияле үзәкләрдә QR-кодлар алуда булышалар, дарулар һәм азык-төлек алып киләләр, табибларны һәм социаль хезмәткәрләрне шәхси яклау чаралары белән тәэмин итәләр. «Без бергә» штаблары пандемия чорында 6,5 миллионнан артык гражданга адреслы ярдәм күрсәтә алды. Теләгән һәркем мывместе.рф. сайтында акциягә кушылырга, ресурслар белән ярдәм итәргә яки волонтер булырга мөмкин.
При использовании информации просьба ссылаться на Управление информационной политики и по связям с общественностью.
Дүшәмбе, 8 ноябрь 2021, 13:53