Шәһәр хуҗалыгы һәм халык яшәешен тәэмин итү идарәсе

Идарәнең төп функцияләре:

1)  шәһәрдә халыкны электр, газ, су һәм җылылык белән тәэмин итүне оештыру;

2)  муниципаль торак фондыннан файдалануга һәм аны саклауга әлеге фондның торак биналарына билгеләнгән санитар һәм техник кагыйдәләр, нормалар һәм законның башка таләпләре нигезендә контрольне гамәлгә ашыру;

3)  торак биналарны үзгәртеп кору һәм яңадан планлаштыру мәсьәләләре буенча документлар кабул итү һәм әзерләү;

4)  торак-коммуналь хуҗалыгын реформалаштыру һәм модернизацияләү буенча шәһәр программаларын гамәлгә ашыруны тәэмин итү;

5)  күпфатирлы йортлар белән идарә итү өчен шартлар тудыру;

6)  торак-коммуналь комплексы эшчәнлегенең базар механизмнарын эшләү һәм торак-коммуналь хуҗалык өлкәсенә инвестицияләр җәлеп итү өчен шартлар тудыру;

7)  шәһәр автомобиль юлларын, күперләрне карап тору һәм ремонтлау, шәһәр территорияләрен санитар чистарту, төзекләндерү, яшелләндерү һәм чәчәкләр утыртып бизәү эшләрен оештыру;

8)  сәнәгать һәм көнкүреш калдыкларын җыю, чыгару, утильләштерүне оештыру;

9)  җирләү эшләрен, ритуаль хезмәтләрне, җирләү урыннарын карап торуны оештыру;

10)  шәһәрнең урман массивларын, шәһәр чикләрендә урнашкан аеруча саклана торган табигать территорияләрендәге урманнардан файдалануга, аларны саклауга һәм яңартуга муниципаль урман контролен һәм күзәтчелеген гамәлгә ашыру;

11)  җирле әһәмияткә ия автомобиль юлларының сакланышын тәэмин итү;

12)  җирле әһәмияткә ия гомуми файдаланудагы автомобиль юлларында зур йөк ташучы транспорт чараларыннан килгән зыянның күләмен билгеләүгә юнәлдерелгән чараларны гамәлгә ашыру;

13)  җирле әһәмияткә ия автомобиль юлларын үстерү өлкәсендә инвестиция сәясәтенең төп юнәлешләрен эшләү;

14)  җирле әһәмияткә ия гомуми файдаланудагы автомобиль юлларыннан файдаланучыларга мәгълүмат җиткерү;

15)  халыкка транспорт хезмәте күрсәтү өчен шартлар тудыру, транспорт хезмәте күрсәтүне оештыру;

16)  даими муниципаль маршрутлар буенча гомуми файдаланудагы транспортта транспорт хезмәте күрсәтүдә халык ихтыяҗын өйрәнү;

17)  даими муниципаль маршрутлар буенча халыкка транспорт хезмәте күрсәтүгә заказлар формалаштыру һәм аларны урнаштыруны тәэмин итү, шул исәптән, кирәкле документлар әзерләү;

18)  даими муниципаль маршрутлар буенча пассажирлар йөртүчеләр реестрын алып бару;

19)  муниципаль маршрутлар реестрын алып бару һәм шул нигездә муниципаль маршрут челтәре схемасын эшләү;

20)  муниципаль маршрут челтәрен формалаштыруны тәэмин итү;

21)  муниципаль маршрутларның паспортларын әзерләү һәм даими муниципаль маршрутлар буенча пассажир транспорты хәрәкәте расписаниесен төзү;

22)  муниципаль маршрутлар буенча пассажир йөртүчеләрнең эш башкаруларын, кагыйдәләрне, стандартларны, нормативларны һәм кабул ителгән йөкләмә килешүләрен үтәүләрен контрольдә тоту;

23)  муниципаль маршрутларны оештыру, шул исәптән андый маршрутларда тукталыш пунктларын төзекләндерү һәм карап торуны оештыру;

24)  уңайсыз юл яки табигый климат шартлары яки гадәттән тыш хәлләр килеп чыккан очракта, муниципаль маршрутта пассажир йөртүчеләрнең, транспорт чараларының расланган расписаниеләрне бозу вакытындагы эшләрен координацияләү;

25)  шәһәр халкына муниципаль маршрутларның исемлеген, алар буенча хәрәкәт итү расписаниесе турында мәгълүмат җиткерү;

26)  маршрут челтәрен формалаштырганда файдалану өчен халыкка транспорт хезмәте күрсәтүнең сыйфат күрсәткечләре системасын норматив билгеләмәләре белән бергә әзерләүне тиешле тәртиптә гамәлгә ашыру;

27)  пассажир йөртүчеләрнең һәм оештыручыларның хисабы, йөртүләр һәм күрсәтелә торган хезмәтләрнең сыйфаты турында хисаплылык тәртибе һәм сроклары формасын әзерләү;

28)  транспорт һәм элемтә оешмаларының мәгълүмат базасын алып бару;

29) оешмаларның – элемтә операторларының эш режимын билгеләү буенча тәкъдимнәр әзерләү;

30) шәһәрнең социаль һәм торак инфраструктурасы объектларында электр элемтәсе җиһазларын урнаштыру планнары буенча бәяләмәләр әзерләү;

31)  элемтә операторларына универсаль элемтә хезмәтләрен оештыруга булышлык итү;

32)  «Яр Чаллы шәһәре муниципаль берәмлеге җирле үзидарә органнарына халыкка транспорт хезмәте күрсәтү өлкәсендә дәүләт вәкаләтләре бирү турында» 2006 елның 28 апрелендәге 32-ЗРТ номерлы Татарстан Республикасы Законы нигезендә халыкка тимер юл, эчке су транспорты (шәһәрара һәм муниципальара элемтә) хезмәте күрсәтүне оештыру буенча бирелгән Татарстан Республикасының дәүләт вәкаләтләрен гамәлгә ашыру.